HomePhone Tricks

Android Phone ko Hard Reset Kaise Kare

Android phone ki performance jab slow ho jati hai or phone hang hone lag jati hai to samjh jaiye ki phone ko hard reset karne ki jarurat aan padi hai, hard reset karte hi phone phir se factory made ki tarah perform karne lag jati hai aur iski speed bhi naye smartphone ki tarah ho jati hai.

Android phone hard reset kaise kare

Hard reset android phones ke liye bahut hi jaruri hota hai, agar aapke paas ek android phone hai to aapko hard reset ke bare me janna bahut hi jaruri hota hai. Generally jab phone slow hota hai tab aap use format (reset) karte hai par only reset karne se hi kaam nahi banta hai.

Phone ko sirf reset karne se wo factory mode ki tarah perform nahi karti hai, kuch din tak acchi perform karti hai then phir slow ho jati hai aur aisa isliye hota hai kyunki kisi kisi smartphone me reset karne se sirf phone settings hi reset hoti hai aur pura operating system thik se reset nahi hota hai, isliye aapko phone ko hard reset karne ki jarurat hoti hai.

Ab aapke man me ek question hoga ki ye recovery mode kya hai, chaliye ishe ek example se samajhte hai. Maan lijiye aapke paas me ek android phone hai aur wo itna purana ho chuka hai ki uska ‘Os sahi se work nahi kar raha aur sahi se work nahi karne ke kaaran phone ki screen touch puri tarah se kharab ho chuki hai, ab aap ish condition me kya karenge.

Ab aap apne phone ko hard reset karenge. Generally sabhi android phone par 3 keys hoti hai jisme se ek power key hoti hai aur dusri aur teesri volume rockers hoti hai. Inhi keys me aapka recovery menu chupa hua hota hai jise ki aapko press karke ishe activate karna hota hai.

Agar aap apne phone ko reset (format) karna chahte hai to ishe recovery menu me jakar ke reset kariye, recovery menu se phone ko reset karna iska sahi tarika hai. Agar aap phone ko settings > reset me ja kar reset karte hai to phone ka caches file puri tarah se clear nahi hota aur phone phir se slow perform karne lagta hai.

Phone ko Hard Reset Kyun Karna Chahiye

Normal reset karne se phone ka sara internal data erase to hota hai par security cache files puri tarah se delete nahi ho pati hai jiske kaaran baad me yahi caches file slowly slowly phone me restore hoti chali jati hai aur phir phone slow ho jata hai.

Agar aapka smartphone virus ke kaaran slow hua hai aur aap ish condition me apne phone ko sirf reset karte hai tab bhi phone slow hi perform karta hai kyunki sirf reset karne bhar se phone ka virus clean nahi hota hai ushe hard reset karna hota hai.

Phone me jarurat se adhik applications install karne se bhi phone slow perform karta hai, jab phone me adhik applications install hoti hai tab RAM har ek apps ko sahi se perform nahi kar pati hai aur yahi kaaran hai wo sabhi apps crash hone lagti hai.

Normal reset karne se phone sirf internal storage aur apps ko clear karta hai, ram ko wo puri tarah se clean nahi karta hai aur yahi problem hai ki baad me phone slow hota hai. Hard reset karne se aisi problem nahi hoti hai aur phone ka sara internal data aur ram ki cache files puri tarah se clean ho jati hai.

Hard Reset Karne ke Kya Fayde Hai

Hard reset karne ke baad phone pahle ki tarah perform karne lagta hai aur agar aapka phone rooted hota hai to wo automatic hi unroot ho jata hai, normal reset me phone unroot nahi hota hai aur agar aapne kingroot se apne phone ko root kiya hai to uska application normal reset karne ke baad bhi installed hi rahta hai par hard reset karne se root ka koi bhi file phone me nahi hota hai.

Agar aapka android smartphone kisi tarah se lock ho chuka hai tab aap hard reset ki help se apne phone ko unlock kar sakte hai, pattern ke alawa phone me laga koi bhi pin or password ko aap easily hard reset ki help se brake kar sakte hai. Ab aapko market me ja kar phone lock brake karwane ke liye 200rs pay nahi kar padega.

Android Phone ko Fully Reset (Format) Kaise Kare

Recovery se phone ko reset (format) karne ke 2 methods hai agar aapke paas computer hai to usse bhi aap apne android phone ko fully reset kar sakte hai, jyadatar mobile users mobile se hi work karna pasand karte hai isliye main aapko smartphone se hi reset karne ke bare me batane wala hun. Isme adhik steps nahi hai bas 2-4 keys press kar ke aap phone ko reset kar sakte hai.

Step  1 : Sabse pahle apne smartphone ko switch off kariye.

Step 2 : Ab volume up + power keys ko ek saath press kariye. (Recovery menu ke liye kisi kisi phone me volume down + power keys press karna hota hai)

Step 3 : Volume up + power keys press karne par phone on hoga aur phone ki screen par recovery menu ka android ‘Logo’ dikhega.

Hard reset kaise kare

Step 4 : Jab aapke phone ki screen par no command likha hua aa jaye tab aap power key ko press kar ke english language select kariye. English language select karte hi phone ki screen par recovery menu ka option aa jayega.

Mobile ko reset kaise kare

Recovery menu me ab volume down key press kar niche aaiye aur wipe data/factory reset option ko volume up key press kar ke select kariye.

Step 5 : Jaise hi aap wipe data/factory reset option ko select karenge to aapke phone par ek new screen open hogi aur usme aapko wipe data ‘confirm karne ko bola jayega, tab aap yes delete all user data select karke phone ko format kar dijiye.

Phone ko format kaise kare

Yes delete all user data ko confirm karne ke baad aapka phone puri tarah se reset ho jayega aur phone ka sara internal data delete ho jayega, ab aap phir se recovery menu me aaiye aur reboot option ko select kar phone ko restart kariye.

Itna karne ke baad aapka phone fully reset ho jayega aur aapke phone me jitna bhi internal data hoga wo delete ho chuka hoga saath hi RAM me stored jitne bhi cache files honge wo sab hard reset se clean ho chuke honge.

Note : Samsung mobile users hard reset karne se pahle apne play store or google account ka password kisi note book me likh kar rakh le, samsung mobile ko reset karne ke baad aapko usme apna google account mobile ke owner ko confirm karne ke daalna hota hai.

So friends aapko meri ye jaankari kaisi lagi hai niche comment karke jarur bataiye aur agar aapko ish post android phone reset kaise kare se related kuch sawal puchna hai to aap comment kar sakte hai.

Post ko social platform me jarur share kariye, thankyou 🙂

Comments (33)

Leave a Reply

Your email address will not be published. Required fields are marked *

Share
Tweet
+1
Share
Pin