HomePerformance & Designs

UpdraftPlus Backups Plugin Setup Kaise Kare

@Hi

WordPress blog ko always maintain rakhne ke liye hame uska full backup time to time lete rahna chahiye backup se hamare blog ka data secure rahta hai aur backup se hi ham future me hone wale hack attacks or crashing se deal kar sakte hai.

Updraftplus backups plugin kaise setup kare

Wp backup ke liye bahut se free or paid plugin market me available hai par inme se mujhe updraft backups plugin achaa lagta hai kyuki ye free hone ke saath saath setup karne me bhi bahut easy hai aur isse hum daily automatic website ka backup le sakte hai.

Updraftplus backups plugin se aap daily apne blog ka backup easily le sakte hai agar free backup plugin ki baat kare to har wordpress user aapko updraftplus plugin hi recommend karte hai kyuki ye plugin hai hi bahut achaa.

Updraftplus backups plugin par aapko free version me premium ke mukable bahut se features jinka use aap advanced backup ke liye kar sakte hai waise hume jyada features ki jarurat to nahi padti hai par iska daily automatic wala feature hum free me use kar sakte hai.

UpdraftPlus Backups Plugin Kya Hai

Jinhe abhi tak pata nahi hai ki ye plugin kaam kya karta hai unhe mai short me samjhana chahunga ki ye ek backup plugin hai jo aapke wordpress website ka backup leta hai ish plugin ko install kar aap apne entire wp blog ka backup sirf one click me le sakte hai.

Agar aapko kabhi apni hosting change karni padi to aap apne wordpress site ko dusre hosting par migrate karne ke liye updraftplus backups plugin ka use kar sakte hai yeh plugin aapke website ki puri backup leti hai.

Ish plugin par aapko bahut features milte hai waise to ye plugin free me available par free version par aapko limited features hi milti hai agar aap iske premium version ko use karenge to aapko isme bahut sari advanced features milegi.

UpdraftPlus Backups Plugin Kyu Use Karna Chahiye

Self Hosted website par aapko daily kuch na kuch problems ka face karna pad sakta hai mai ye nahi keh raha ki wordpress platform bura hai par ishe maintain rakhna beginners ko thoda muskil ho sakta hai.

Maine bhi shuru shuru kai problems face kiye hai but now ab mai wordpress ke bare me sab kuch jaan chuka hu aur ab se jo bhi problem hoti hai mai un problems se aasani se deal kar sakta hu

Friends self hosted blog ek insecure blog hai jise koi bhi aasani se hack kar sakta hai aur wo to aapko pata hi hai ki kaise Hindi Me Help website hack hui thi phir baad me wo website Live aa gayi kyuki uska @admin rohit mewada uska backup bana kar chala tha.

WordPress ko aasani se hack kiya ja sakta hai ishliye hume iska backup rakhna chahiye ki agar future me website hack ho jaye to uske data ko asani se recover kiya ja sake aur website kabhi down nahi jaye.

UpdraftPlus Backups Plugin Setup Kaise Kare

Well jaisa ki mai aapko pahle hi bata chuka hu ki ishe configure karna bahut hi easy hai aur iske liye aapko kisi tarah ki technical knowledge nahi chahiye agar aap ek beginner bhi hai to ise aasani se setup or configure kar sakte hai.

Aaiye jaante hai updraftplus backups plugin ko setup kaise karte hai.

Step 1 : Sabse pahle aap Updraftplus Backups Plugin ko apne wordpress site me install kariye.

Step 2 : Install karne ke baad activate kariye.

Step 3 : Now Settings > Updraftplus backups me click kariye.

Updraftplus backups plugin setup kaise kare

Step 4 : Ab updraftplus backups ka settings menu par jaiye aur phir File Backup Schedule aur Data Backup Schedule ko daily me select kariye.

Updraftplus backups plugin se backup kaise le

  1. Settings menu par click kariye.
  2. File backup schedule par daily select kariye (Daily tab hi select kare jab aapko apne wp website ka daily backup lena ho waise website ka daily backup lena achaa hota hai isliye daily hi rahne de)
  3. Database backup bhi daily select kariye.

Step 5 : Ab aapko drive select karna hai jaha aapka wordpress site ka backup store hoga mai aapko dropbox select karne ki salah deta hu kyuki isme aapko free me 15Gb ki drive milti hai iske alawa aap Google drive bhi select kar sakte hai.

Wordpress ka backup kaise le

Step 6 : Dropbox select karne ke baad usi par scroll down kariye aur phir Include In File Backup aur Email me tick karke save button par click kariye.

Updraftplus plugin kaise setup kare

  1. Sabhi files me tick kariye.
  2. Email par tick kariye.

Email par tick karne ke baad Save button par click kariye click karte hi kuch second baad ek PopUp khulega jisme click karke aapko apne dropbox account ko updraftplus plugin se link karna hai.

Updraftplus se backup kaise lete hai

Upar diye Link par click karte hi Dropbox aapke updraftplus backup plugin se link ho jayega aur aap dropbox me apne wordpress ka backup save kar sakenge waise ye automatic hi aapke dropbox account me save hoti chali jayegi.

To dekha dosto aapne is backup plugin ko setup karna kitna aasan hai well ab automatic hi aapke wordpress ka backup banta chala jayega aur jab kabhi aapki site crash hogi to dobara aap apne site ko restore kar sakenge.

Well aapne sikha updraftplus plugin ko setup karna ab isme backup restore kaise karte hai chaliye jaante hai !

Updraftplus Me Backup File Kaise Restore Kare

Updraftplus me backup files ko restore karna bahut hi easy hai agar aapne site hack hone ke baad suru se website ko install ki hai to sabse pahle aap usme Updraftplus backup plugin ko install kariye.

Updraftplus plugin install karne ke baad niche diye steps ko follow kariye !

Step 1 : Sabse pahle apne dropbox account par jaiye aur sabhi files ko zip file me apne computer par download kar lijiye waise sabhi file zip me hi hoti hai.

Updraftplus plugin se backup kaise restore kare

Step 2 : Ab apne wordpress dashboard > updraftplus par jaiye aur Existing Menu select karke Upload Backup Files me click kar sabhi backup files ko upload kariye.

Updraft plugin me backup restore kaise karte hai

  1. Existing Backups menu par jaiye.
  2. Then Upload Backup Files me click kariye.
  3. Ab sabhi backup files ko upload kariye.

Files ko upload hone me 15-20 minute tak lag sakta hai ye aapke files size or network par depend karta hai jab aapka file puri tarah upload ho jaye tab aap restore button par click karke backup ko restore kar sakte hai.

Updraftplus backup plugin me data restore kaise kare

Restore button par click karte hi kuch pages open hogi usme bas aapko restore button par click karte rahna hai kuch der baad sabhi backup files restore ho jayegi aur aapka site pahle jaisa kaam karne lagega.

So Guys ! ummid hai aapko hamari ye jaankari pasand aayi hogi agar aapko updraftplus backups plugin ke bare me aur adhik janna hai to aap hame comment kar sakte hai.

Post pasand aaye to ishe jarur share kariye !

Comments (13)

Leave a Reply

Your email address will not be published. Required fields are marked *

Share
+1
Tweet
Share
Pin